“Asiya Sakit Okean ölkələri-Çin-Qırğızıstan-Özbəkistan-Türkmənistan-Azərbaycan-Gürcüstan-Avropa” Beynəlxalq Multimodal Marşrutunun inkişafı üzrə Əlaqələndirmə Komitəsinin yaradılması barədə qərar 20 dekabr 2019-cu ildə Azərbaycan, Gürcüstan, Qırğızıstan,Türkmənistan və Özbəkistan dəmir yolları idarələri rəhbərlərinin iştirakı ilə Daşkənddə keçirilən görüşdə qəbul edilib.
Görüş iştirakçılarının təşəbbüsü ilə Marşrutun Əlaqələndirmə Komitəsi yaradılıb.
Komitəyə sədrlik Özbəkistan tərəfinə həvalə edilib.
Qırğızıstan-Özbəkistan-Türkmənistan-Azərbaycan-Gürcüstan və əks istiqamətdə tranzit konteyner qatarlarının təşkili aşağıdakı logistika şirkətlərinə həvalə edilib:
Azərbaycan ərazisi üzrə – “ADY Konteyner” MMC
Gürcüstan ərazisi üzrə – “GR Logistics & Terminals”
Qırğızıstan ərazisi üzrə – “Kırqız temir jolu”
Türkmənistan ərazisi üzrə – “Türkmənistan Nəqliyyat Logistika Mərkəzi”
Özbəkistan ərazisi üzrə – “Uzbekjeldorekspedisiya”